Fréttir
Göngum í skólann
Á morgun, föstudaginn 3. maí, hefst Göngum í skólann verkefnið okkar og mun það standa til föstudagsins 17. maí.
Markmið verkefnisins er að:
- hvetja til aukinnar hreyfingar
- auka færni barna til að ganga á öruggan hátt í skólann
- fræða nemendur um ávinning reglulegrar hreyfingar
- minnka bílaumferð í nágrenni grunnskóla
Við hvetjum foreldra til að fylgja yngstu börnunum, gangandi eða hjólandi og nota þá tækifærið og kenna þeim öruggustu leiðina í skólann. Félagar í Slysavarnarfélaginu Vörðunni koma þriðjudaginn 7. maí og bjóða fram aðstoð við að stilla hjólahjálmana. Allir bekkir fá viðurkenningarskjal fyrir þátttökuna og þær bekkjardeildir sem ná bestum árangri fá gull-, silfur- eða bronsskóinn. Sá árgangur yngri barna sem nær besta árangrinum fær svo Græna skóinn.
