Dagskrá skólaloka í Mýró
Nú fer að líða að lokum þessa skólaárs og hér er skipulag fyrir 8. og 9. júní, sem verða með nokkuð öðru sniði en venjulega vegna Covid-19. Okkur þykir það leitt en vegna Covid-19 getum við því miður ekki boðið aðstandendum að taka þátt í vorhátíðinni eða vera viðstaddir skólaslit í ár, hvorki í 1.-5. bekk né í kveðjuathöfn 6. bekkinga.
Mánudagur 8. júní: Vorhátíð/þemadagur kl. 8:10 – 12:30
Í ár verður vorhátíðin ekki með hefðbundnu sniði og engir foreldrar verða með í ár. Þess í stað verða Fjölgreindaleikar haldnir. Nemendur þurfa að koma með hollt nesti í litlum bakpoka, sem þeir bera með sér allan daginn og vera klæddir til að vera úti hálfan daginn. Kl. 12:00 safnast svo hópurinn saman í pylsupartý á skólalóðinni.
Þriðjudagur 9. júní: Skólaslit
Nemendur í 1. – 5. bekk mæta beint í sínar bekkjarstofur og fá afhentan vitnisburð og fara heim að því loknu.
· 1.-3. bekkir kl. 9:00
· 4.-5. bekkir kl. 9:30
Kveðjuathöfn fyrir nemendur í 6. bekk verður í salnum kl. 11:30. Nemendur mæta í sína bekkjarstofu í síðasta lagi 11:15 og fylgja svo umsjónarkennara niður í sal.