Comenius – Evrópusamstarf – “Culture in a box”
Hópur kennara og skólastjóra frá Búlgaríu, Eistlandi, Póllandi og Tyrklandi kom til okkar í skólann í vikunni í tengslum við Comeniusarverkefni í lífsleikni, þar sem markmiðið er að stuðla að umburðarlyndi og virðingu gagnvart mismunandi menningu þeirra þjóða sem taka þátt í verkefninu.
Þetta var fyrsti fundur af fimm meðal þjóðanna og er meginmarkmiðið að skapa samstöðu og samlyndi meðal nemenda, kennara og skólasamfélags viðkomandi landa á jafnréttisgrundvelli án fordóma, hvers kyns óþols, fjandskapar eða útlendingafælni. Þátttakendur munu skiptast á upplýsingum um hvernig skólar í mismunandi Evrópu löndum undirbúa nemendur sína í lífsleikni og til áframhaldandi náms í samfélagi þjóðanna.
Hópurinn hitti stjórnendur og kennara, leit inn í kennslustundir í skólunum og íþróttahúsi og var boðið upp á kynningu og tónleika í Tónlistarskólanum. Móttökur voru alls staðar til fyrirmyndar og Nesið skartaði sínu fegursta þessa fyrstu vetrardaga í sól og logni!!
