Dagur íslenskrar tungu í Mýró og Való
Dagur íslenskrar tungu var að venju haldinn hátíðlegur með ýmsu móti. Í ár var þema dagsinsí Mýró íslensk ljóð. Allir bekkir á yngsta og miðstigi komu saman á sal, þar sem byrjað var á því að syngja saman Kvæðið um fuglana eftir Davíð Stefánsson.
Síðan flutti hver bekkjardeild ljóð að eigin vali. Ljóðin voru lesin, sungin, röppuð eða flutt með myndasýningu.
Á morgun fer stór hópur 5. og 6. bekkinga í heimsóknir á leikskólana og lesa þar fyrir börnin.
Hér eru myndir frá hátíðarhöldunum í Mýrarhúsaskóla
Í tilefni dags íslenskrar tungu, 16. nóvember, söfnuðust nemendur Valhúsaskóla saman í Miðgarði og hlýddu á flutning Björgvins Halldórssonar á ljóði Jónasar Hallgrímssonar, Ég bið að heilsa.
Það er mikilvægt fyrir nemendur að skoða tungumálið frá mismunandi sjónarhornum.
Ákveðið var að beina sjónum nemenda að íslenskri kvikmyndagerð. Nemendum var skipt upp eftir árgöngum og boðið að sjá íslenskar kvikmyndir, teknar í íslensku umhverfi.
Eftirfarandi myndir voru sýndar:
7. bekkur - Dugguholufólkið
8. bekkur - Djöflaeyjan
9. bekkur – Köld slóð
10. bekkur – Englar Alheimsins
Á næstu dögum verður Stóra upplestrarkeppnin kynnt fyrir nemendum í 7. bekk og formlega ýtt úr vör.
