Brunaæfing í Mýrarhúsaskóla

Nú stendur yfir eldavarnarvika í grunnskólum landsins. Í tilefni af því fengum við slökkviliðið í heimsókn og í morgun var haldin brunaæfing í skólanum.

Eldvarnarviðvörunarkerfi skólans hefur verið endurnýjað og heyrist nú í brunabjöllunni allsstaðar í skólanum. Starfsfólk skólans hefur undanfarið farið yfir með nemendum hvar helstu útgönguleiðir eru og rætt hefur verið um viðbrögð við eldsvoða.
 Nemendur vissu fyrirfram af þessari æfingu þannig að enginn varð hræddur og allt gekk vel. Í framhaldinu verður skoðað hvort eitthvað megi betur fara. Seinna verður önnur æfing án viðvörunar.