Þrettándabrenna 6. janúar 2010 kl. 17:00
Hin árlega þrettándabrenna Grunnskóla Seltjarnarness verður miðvikudaginn 6. janúar. Dagskráin hefst hjá Mýrarhúsaskóla kl. 17.
Þar mun Skólalúðrasveitin spila nokkur lög, síðan verður ganga með álfakóngi og drottningu upp á Valhúsahæð til að kveikja í brennunni. Þar verður sungið og dansað með álfakóngi, drottningu og púkum.
Endilega að koma með krakkana í búningum og eigum skemmtilega stund saman.
Tillaga að tröllabúningi: Kaupa striga t.d. í Byko eða Blómavali, ca 2 metra. Klippa eftir lengdinni fyrir belti. Gera gat fyrir höfuð. Mála krakkana í framan t.d. með rauðar kinnar og freknur.
Einnig er hægt að gera púka með því að nota svarta ruslapoka og belti. Þeir sem eiga búninga endilega að koma í þeim á brennuna.
Vinsamleg tilmæli til foreldra að börnin mæti ekki með flugelda á brennuna.
Foreldrafélagið.