Óskað eftir tilnefningum til Foreldraverðlauna 2011
Foreldraverðlaun Heimilis og skóla – landssamtaka foreldra, verða afhent í 16. sinn við athöfn í Þjóðmenningarhúsinu þriðjudaginn 24. maí næstkomandi.
Heimili og skóli – landssamtök foreldra óska eftir tilnefningum til Foreldraverðlauna 2011 frá einstaklingum, félögum eða hópum sem vilja vekja athygli á vel unnum verkefnum, sem stuðla að eflingu skólastarfs og jákvæðu samstarfi heimila, skóla og samfélagsins.
Með afhendingu verðlaunanna vilja samtökin vekja athygli á því gróskumikla starfi sem fer fram innan leik- grunn- og framhaldsskóla og þeim fjölmörgu verkefnum sem stuðla jákvæðu og öflugu samstarfi heimila, skóla og samfélagsins.
Fólk er hvatt til að líta eftir og tilnefna verðug verkefni í sínu nærumhverfi.
Sérstakt tilnefningarblað er á heimasíðu samtakanna http://www.heimiliogskoli.is/. Þar er jafnframt að finna leiðbeiningar og nánari upplýsingar um Foreldraverðlaunin. Einnig eru veittar upplýsingar á skrifstofu samtakanna í síma 516 0100.
Síðasti skiladagur tilnefninga er fimmtudagur 28. apríl 2011.