Fréttir
Göngum í skólann í Mýró
Á morgun, þriðjudaginn 30. apríl, hefst Göngum í skólann verkefnið okkar og mun það standa til fimmtudagsins 15. maí.Markmið verkefnisins er að:
. hvetja til aukinnar hreyfingar
. auka færni barna til að ganga á öruggan hátt í skólann
. fræða nemendur um ávinning reglulegrar hreyfingar
. minnka bílaumferð í nágrenni grunnskóla
Við hvetjum foreldra til að fylgja yngstu börnunum, gangandi eða hjólandi og nota þá tækifærið og kenna þeim öruggustu leiðina í skólann. Að venju koma félagar í Slysavarnarfélaginu Vörðunni og bjóða fram aðstoð við að stilla hjólahjálmana. Allir bekkir fá viðurkenningarskjal fyrir þátttökuna og þær bekkjardeildir sem ná bestum árangri fá gull-, silfur- eða bronsskóinn.
