Fréttir
![](/media/myndir-myro-15-16/medium/togx2.jpg)
Jól í skókassa
Líkt og undanfarin ár tekur skólinn þátt í verkefninu „Jól í skókassa“. Það felst í því að fá börn og fullorðna til þess að gleðja börn í Úkraínu sem lifa við fátækt, sjúkdóma og erfiðleika með því að gefa þeim jólagjafir sem eru settar í skókassa.
Hægt er að fá tóma skókassa í skólanum og eru þeir við útgöngudyr skólans á tveim stöðum meðan birgðir endast. Í fyrra söfnuðust 111 jólagjafir. Spennandi verður að fylgjast með hve mörgum skókössum við söfnum í ár. Síðasti skiladagur í skólanum er fimmtudagurinn 12.nóv. Þetta er kjörið verkefni fyrir fjölskylduna að vinna saman, vinahópa og bekkjarkvöld og fleiri.
Nánari upplýsingar og myndir frá afhendingu gjafanna má nálgast á: www.kfum.is/skokassar
Bréf um verkefnið verður sent til foreldra í gegnum Mentor.