Endurskinsvesti-gjöf frá Slysavarnarfélaginu Vörðunni

Slysavarnarkonur hafa margoft fært skólanum góðar gjafir sem stuðla að auknu öryggi barna.       Nú í byrjun febrúar færðu þær skólanum 60 endurskinsvesti fyrir yngstu börnin.

Það eykur öryggi barnanna mikið í ferðum á vegum skólans. Börnin sjást vel í skammdeginu en einnig er auðveldara fyrir starfsfólk skólans að hafa yfirsýn yfir hópinn þegar allir eru komnir í gulu vestin. Við þökkum þeim slysavarnarkonum kærlega fyrir höfðinglega gjöf.