Móttökuáætlun fyrir nemendur með sérþarfir
Móttökuáætlun fyrir nemendur með sérþarfir
| Hvenær | Hvað | Af hverju |
| Allt að ári áður en nem. hefur skólagöngu | Fundur með foreldrum barns | Til að fá upplýsingar um barnið og heyra væntingar foreldra, hverju þau kvíða eða hafa áhyggjur af. |
| Janúar | Upplýsingar fengnar frá leikskóla og skólaskrifstofu | Undirbúningur vegna úthlutunar og ráðninga ef þarf. Til að undirbúa og kaupa hjálpartæki ef þarf og skipuleggja aðstöðu |
| Mars-Apríl | Skilafundur með leikskóla, sérfræðingum og foreldrum. Fundinn sitja skólastjóri, sérkennari yngsta stigs og verðandi umsjónarkennari | Farið yfir stöðu barnsins í þroska og félagslega. Skoðaðir hverjir eru hugsanlegir bekkjarfélagar og hvernig þarf að skipuleggja stuðning í kringum barnið og undirbúningur að einstaklingsnámskrá hefst. |
| Ágúst | Sérkennari viðkomandi stigs boðar foreldra á fund ásamt umsjónarkennara og þeim stuðningsaðilum innan skólans sem koma til með að vinna með barninu |
Stuðningsaðilar kynntir fyrir foreldrum og hvert hlutverk þeirra er. Farið yfir stundatöflu og skipulag í kringum barnið og skoðaðar eru áherslur í einstaklingsnámskrá. Á fyrsta teymisfundi með foreldrum nemanda með sérþarfir skal skrifað undir skjal þar sem fram kemur: · Hlutverk umsjónarkennara/fagkennara · Hlutverk sérkennara · Hlutverk þroskaþjálfa ef við á · Hlutverk annarra fagmanna · Hlutverk foreldra Í þessu sama skjali þarf einnig að koma fram hvenær og hversu oft verður fundað með foreldrum og hver boðar fundi. Mælst er til þess að fundartími sé ákveðinn fram í tímann. |