Mötuneyti
Mýrarhúsaskóli - Valhúsaskóli
Mataráskrift á haustönn gildir frá skólabyrjun í ágúst.
Ekki er hægt að kaupa einstakar máltíðir.
Verð fyrir hverja máltíð er kr. 365,00. Greitt er með boðgreiðslum Visa/Mastercard eða greiðsluseðli.
Greitt er fyrir mataráskrift fyrirfram fyrir hvern mánuð. Ágústáskrift er þó innheimt með septembergreiðslu og júníáskrift með maígreiðslu.
Segja þarf mataráskrift upp fyrir 15. hvers mánaðar og tekur uppsögnin þá gildi við næstu mánaðarmót.
Nýir áskrifendur geta bæst við hvenær sem er.
Í 7. – 10. Bekk (Valhúsaskóla) geta nemendur verið í áskrift að heitum mat og er gengið frá því á rafrænu formi í gegnum Rafrænt Seltjarnarnes.
Þau geta keypt sér að borða í mötuneytinu:
· Samlokur
· Skyr
· Ávexti
· safa o.fl.
Nemendur geta greitt með peningum eða debetkorti í mötuneytinu við kaup á samlokum, skyri eða öðru slíku. Ekki er hægt að kaupa heitan mat í eitt og eitt skipti.
· Nemendur geta EKKI keypt heitan mat með peningum eða debetkorti.
Allir nemendur borða í matsal skólans þ.e. bæði þeir sem kaupa mat í mötuneyti skólans og þeir sem koma með nesti að heiman.
Nemendum í 1. – 6. bekk er úthlutað föstu sæti í matsalnum í byrjun skólaárs.
Matseðill skólans er birtur á slóðinni grunnskoli.is. Matseðillinn tekur mið af matseðli sem samþykktur hefur verið af Manneldisráði og er hann gefinn út fyrir fjórar vikur í senn.
Boðið er upp á mjólk og vatn í hádeginu.
Skipulag í matsal
Á yngsta stigi (1.-3. bekk) fylgja umsjónarkennarar/sérgreinakennarar nemendum að matsal. Umsjónarkennarar eru í matsal og bera ábyrgð á sínum bekk á meðan matast er. Þeir sjá til þess að nemendur fari út í frímínútur að matartíma loknum.
Á miðstigi (4.-6. bekkur) skiptast nemendur á að vera umsjónarmenn í mötuneyti í eina viku í senn. Í hverjum bekk eru tveir umsjónarmenn samtímis. Annar umsjónarmaðurinn (þ.e. einn í hverjum bekk) fer í matsalinn 10 mínútum áður en matartími hefst og leggur á borð en hinn þurrkar af borðum að máltíð lokinni. Gert er ráð fyrir að kennari skipuleggi hvernig umsjónarmenn skipti með sér verkum. Skólaliðar leiðbeina umsjónarmönnunum.
Á elsta stigi (7.-10. bekkur) aðstoða nemendur við frágang í matsal.