Skólaskjól

Skóladagvist í Mýrarhúsaskóla 

Gjaldskrá skólaskjóls - lengd viðvera

Í boði eru þrír flokkar mánaðargjalds.
Allt að 20 tímar á mánuði: 7.325 kr.
20-39 kls á mánuði 11.254.-
en 40 stundir: 16.478 kr.

Hægt er að kaupa síðdegishressingu í Skólaskjóli
Vegna 20 tímar á mánuði: 1.385 kr.
Vegna 40 tíma á mánuði: 2.309 kr.
fleiri en 40 stundir: 3.078 kr.

Umsókn gildir eitt skólaár í senn (ágúst-júní). Ef þjónustu er sagt upp skal það gert fyrir 10.
hvers mánaðar og tekur uppsögnin gildi um næstu mánaðarmót. Þjónustu er sagt upp hjá
forstöðumanni.

Í Skólaskjólinu er leitast við að skapa heimilislegt andrúmsloft þar sem börnin fást við
ýmiskonar þroskandi störf, taka þátt í leikjum úti og inni og fá aðstoð við heimanám. Sem
dæmi um viðfangsefni má nefna heimilisfræði, handmennt, myndlist bókasafnsferð. Hópar
nemenda úr Skólaskjólinu fara vikulega í kirkjustarf á þriðjudögum milli 15:00 og 16:00.

Starfsfólk Skólaskjóls býður nemendum að taka þátt í fjölbreyttu tómstundastarfi. Má þar
nefna hreyfingu, lestur bóka, tölvuleiki, sögustund og föndur. Börnin geta einnig valið sér
margvísleg viðfangsefni. Áhersla er lögð á að börnin fari í útivist á hverjum degi. Það fara
ávallt starfsmenn út með börnunum og eru þau mest á skólalóðinni í leikjum. Auk þess er
farið í gönguferðir. Því er mikilvægt að börnin séu ávallt klædd með tilliti til veðurs svo þeim
líði vel og njóti þess að vera úti. Nauðsynlegt er að barnið komi með skrifleg skilaboð ef það
hefur verið veikt og má ekki fara út. Það getur þó aldrei orðið meira en einn dagur.

Starfsemi Skólaskjólsins byggir á eftirfarandi markmiðum:

•     Að skapa börnunum hlýlegt, öruggt og notalegt umhverfi.
•        Að börnin geti notið sín í leik og starfi
•        Að börnin rækti margvíslega hæfileika sína í
         tómstundunum    sínum
•        Að börnin læri að bera virðingu fyrir félögum sínum og
         sýni   hverju öðru kurteisi og tillitssemi í hvívetna.
•         Að börnin læri að ganga vel um þá hluti sem þau hafa
          aðgang að.

Í Skólaskjóli gilda sömu umgengnisreglur og í grunnskólanum. Lögð er áhersla á að vinnufriður ríki þannig að hver og einn fái notið næðis við leik og störf.

Starfsfólk Skólaskjóls leggur áherslu á góð samskipti við heimilin. Foreldrar eru ávallt velkomnir í heimsókn. Ef upp koma vandamál er varða líðan barnanna eða framkomu er haft samband við foreldra.

Frídagar/ veikindi

•  Ef barn er veikt eða á frídag er nauðsynlegt að foreldrar tilkynni það til forstöðumanns Skólaskjóls eða til ritara skólans. Það er ekki nóg að senda samdægurs tölvupóst þess efnis.
•  Ef barn skilar sér ekki í Skólaskjólið hringjum við heim og könnum ástæðuna. Mikilvægt er að foreldrar séu búnir að skipuleggja fyrirkomulag dagsins með börnunum áður en lagt er af stað í skólann og tilkynna ef heimferðartími er annar en vanalega.
•  Áríðandi er að foreldrar virði dvalartíma barna sinna, það stuðlar að betra skipulagi á uppeldisstarfi og vinnutíma starfsfólks.

Starfsfólk Skólaskjólsins 2011 - 2012