Lokahátíð Stóru upplestrarkeppninnar 2017
Lokahátíð Stóru upplestrarkeppninnar verður haldin fimmtudaginn, 23. mars n.k., kl.17:00, í Kirkjuhvoli, Safnaðarheimili Vídalínskirkju í Garðabæ.
Haustið 2006 hófst samvinna milli Garðabæjar og Seltjarnarness um lokahátíðina og er þetta því í ellefta sinn sem haldin er sameiginleg lokahátíð.
Upplestrarkeppnin hefst formlega ár hvert á degi íslenskrar tungu, 16.nóvember. Þá hefst undirbúningur allra nemenda í 7. bekk. Síðan eru valdir nemendur sem verða fulltrúar skólanna á lokahátíðinni.
Í ár lesa tíu nemendur frá fimm skólum, Álftanesskóla, Flataskóla, Hofsstaðaskóla, Sjálandsskóla og Valhúsaskóla.
Nemendur Valhúsaskóla sem valdir voru til þátttöku í ár eru Harri Hreinsson og Jóhanna Hilmarsdóttir. Auk þess var Þórhildur Helga Hallgrímsdóttir valin sem varamaður. Við óskum þeim góðs gengis.
Skemmtiatriði verða frá öllum skólunum.