Gönguleiðir í skólann
Vorjafndægur voru síðast liðinn mánudag og við finnum að daginn er farið að lengja, vorið er handan við hornið. Þá fara börnin okkar að flakka meira, fótgangandi, hjólandi, á brettum eða öðrum fararskjótum. Það er því mikilvægt að foreldrar taki samtal heima og minni á umferðareglur og aðgát í umferðinni.
Nokkuð hefur borið á því þegar börn eru á leið í skólann og ganga Skólabrautina að þau nýti sér götuna í stað gangstétta. Það getur verið afar varhugavert og því mikilvægt að ítreka að þau haldi sig á gangstéttinni enda oft mikil umferð um Skólabraut í upphafi og lok skóladags. Þetta á við um börn á öllum skólastigum, hvort sem þau eru á leið í Mýró eða Való.
Njótum dagsins, fögnum vori og verum vakandi í umferðinni.
Bestu kveðjur,
Þorgerður Anna