Norræna Skólahlaupið
09.09.kl.09 Valhúsaskóla 2009
Norræna Skólahlaupið
09.09.kl.09
Valhúsaskóla 2009
Miðvikudaginn 9.september kl. 9.00 verðu norræna skólahlaupið haldið. Þá hlaupa allir nemendur skólans frá gervigrasi að bílastæði Golfskála. Starfsfólk skólans aðstoðar íþróttakennara við að halda utan um framkvæmd hlaupsins. Það hefur ávallt skapast skemmtileg stemning í skólanum þegar haldin hafa verið skólahlaup. Við vonumst til þess að svo verði einnig í ár og að allir mæti með bros á vör.
Íþróttakennarar leggja ríka áherslu á að hver nemandi fari í hlaupið á sínum forsendum. Sumir nemendur eru í góðri þjálfun á meðan aðrir nemendur hafa ekki hreyft sig reglulega til þessa og eru því ekki í eins góðri þjálfun. Þó svo að hraðskreiðustu hlaupagarparnir hljóti viðurkenningu er aðalmarkmið skólahlaupsins að hver nemandi fái að njóta hollrar hreyfingar og útivistar í góðra vina hópi .
Við upphaf hlaupsins fer fram upphitun á gervigrasvelli. Þar eru nemendur með bestu tímana frá því í fyrra, þ.e.a.s. á tímatökuprófum, kallaðir upp og klæddir í gular treyjur eins og tíðkast í frönsku hjólreiðakeppninni (Tour de France). Að venju verða kennarar með sjúkratöskur víðs vegar á hlaupaleiðinni ef einhverjir nemendur meiðast og eins taka kennarar vel á móti hlaupagörpunum við sundlaug og aðstoða við teygjuæfingar. Nemendur fá allar nánari upplýsingar um hlaupið frá íþrótta- og umsjónakennurum dagana fyrir hlaupið.
Gera má ráð fyrir að þröngt verði á þingi í búningsherbergjum í íþróttamiðstöð eftir hlaupið. Þeir nemendur sem búa nálægt skólanum mættu því gjarnan fara heim í sturtu. Það verður einnig þröngt á þingi í baðherbergjum og nemendur eru beðnir um að sýna þolinmæði og háttvísi. Ráðgert er að hefja kennslu aftur kl. 10.40. en gert verður hlé á kennslu um hádegisbilið þar sem veittar verða viðurkenningar fyrir bestan árangu í hverjum árgangi fyrir sig.
Mikilvægt er að forráðamaður láti skólann vita ef nemandi getur ekki tekið þátt í hlaupinu af einhverri ástæðu!!!! Nemendur sem ekki geta hlaupið en treysta sér hins vegar til að hjóla eða fara á línuskautum, verða að ræða við íþróttakennara og fá leyfi til þess.
Kær kveðja frá
Mettu og Erni
íþróttakennurum Valhúsaskóla