Fréttir
Lesum meira!
Næstu tvær vikurnar (7. – 21. október) verður lestrarsprettur í skólanum á yngsta og miðstigi.
Það var svo sannarlega örtröð á bókasafninu þegar nemendur voru að ná sér í bækur til þess að lesa. Allir lesa a.m.k. 15 mínútur á dag í skólanum og einnig heima.
Yngri nemendur skrá bækurnar á blað hjá safnkennaranum en þau eldri skrifa bókadóma í sérstaka bókaorma á netinu. Nemendur fá eina baun fyrir hverja bók sem þeir lesa. Baununum er safnað í stóra krukku á bókasafninu og að lokum fá nemendur að giska á fjölda bauna í krukkunni og þar með fjölda bóka sem hafa verið lesnar í lestrarsprettinum.
Það verður spennandi að fylgjast með hvernig hækkar í krukkunni.
