Loftgæði – eftirlit og viðbúnaður
Heilbrigðiseftirlit sveitarfélaganna á höfuðborgarsvæðinu fylgjast vel með loftgæðum á svæðinu og verða viðvaranir samstundis gefnar út ef loftgæðum hrakar mjög, til dæmis vegna hugsanlegs öskufalls eða öskumisturs.
Sóttvarnalæknir gefur slíkar viðvaranir út í samráði við heilbrigðisyfirvöld sveitarfélaga og almannavarnir gerist þess þörf. Tilkynningum og viðvörunum verður komið á framfæri í fjölmiðlum. Séu engar slíkar viðvaranir gefnar út þarf almenningur ekki að hafa sérstakar áhyggjur af loftgæðum.
Dragi svo mjög úr loftgæðum að hætta sé á að skólastarf raskist gilda tilmæli til foreldra vegna röskunar á skólastarfi vegna óveðurs. Foreldrar grunnskólabarna eru hvattir til að kynna sér þær vel. Kapp verður að venju lagt á að halda skólum opnum en unnið samkvæmt viðbúnaðarstigi 1 og 2 sem skýrð eru í tilmælunum.
Ef svifryk í andrúmslofti fer yfir skilgreind mörk er þeim hættast sem glíma við hjarta- og öndunarfærasjúkdóma. Þeim sem vilja fylgjast með loftgæðum og mælingum á þeim er er bent á vef Reykjavíkurborgar. (http://www.rvk.is/desktopdefault.aspx/tabid-1007)
Upplýsingar og tilkynningar um öskufall og loftgæði:
- Landlæknisembættið (http://www.landlaeknir.is/)
- Almannavarnadeild ríkislögreglustjórans (http://www.almannavarnir.is/)
- Umhverfisstofnun (http://www.ust.is/)
Leiðbeiningar til almennings um viðbrögð við öskufalli:
- Hætta á heilsutjóni vegna gosösku. Leiðbeiningar fyrir almenning. (http://www.landlaeknir.is/Pages/1527)
- Öskufall. Leiðbeiningar um viðbrögð fyrir, eftir og meðan á öskufalli stendur. (http://www.landlaeknir.is/Pages/1527)