Ostafylltar ýsurúllur að ítölskum hætti unnu fiskréttakepnina
Nemendur sem hafa heimilisfræði sem valgrein tóku þátt í keppninni og sýndu þau snilldartilþrif, mikinn metnað og áhuga.Dómnefndin hafði úr vöndu að ráða en hana skipuðu þau Jói kokkur, Svala, Helga Kristín og Ella.
Sigurréttinn í keppninni áttu þeir Davíð Ýmir Bjarnason og Jón Friðrik Guðjónsson báðir úr 8.RMÓ. Í öðru sæti var Kristján Hilmir Baldursson í 9 BÁ.
HÉR ERU MARGAR MYNDIR FR'A KEPPNINNI
Uppskrift Davíðs Ýmis og Jóns Friðriks.
Ostafylltar ýsurúllur að ítölskum hætti
1 ýsuflak
2 msk. rjómaostur
1 msk. sólþurrkaðir tómatar
1 msk. ólífur
½ msk. grænt pestó
½ msk. brauðrasp
1. Byrjið að þeyta rjómaostinn, bætið við tómötum, ólífum, pestói og hrærið t.d. með töfrasprota.Bætið við brauðraspi og hrærið smávegis.
2. Skiptið flakinu í tvennt eftir endilöngu. Smyrjið rjómaostablöndunni á flökin og vefjið þeim upp í rúllur. Setjið í smurt eldfast fat.
3. Bakið við 200°C á blæstri , miðjum ofni í 25 mín miðjum ofni
Sósa
1. 2 ½ dl rjómi (250 ml)
2 ½ dl niðursoðnir tómatar (hakkaðir)
¾ hvítlauksostur
Setjið allt í pott og eldið við hæsta hita. Þegar suðan kemur upp er hitinn lækkaður niður á minnsta straum. Best er að bera sósuna fram heita.