Fréttir
Dagur íslenskrar tungu í Valhúsaskóla
Dagur íslenskrar tungu er haldinn hátíðlegur ár hvert hinn 16. nóvember, á fæðingardegi Jónasar Hallgrímssonar.
Þar sem daginn bar upp á laugardag í ár var tekið forskot á sæluna og dagurinn haldinn hátíðlegur s.l. föstudag.
Allir árgangar spreyttu sig á vísnagátum í íslenskutímum.
Nemendur voru almennt mjög ánægðir með þessa tilbreytingu. Yngri bekkirnir unnu veggspjöld en 10. bekkingar vildu frekar fá sem flestar gátur til að glíma við.
Stóra upplestrarkeppnin hefst formlega á degi íslenskrar tungu. Keppnin var kynnt fyrir 7. bekkingum í dag og nemendum afhent kynningarhefti skólans. Lokahátíðin verður haldin í lok mars í Garðabæ.
