Fréttir
Stóra upplestrarkeppnin-undankeppni
Undankeppni fyrir lokahátíð Stóru upplestrarkeppninnar 2015 fór fram á bókasafni Valhúsaskóla í dag, 17. febrúar.
Níu nemendur í 7. bekk lásu upp og stóðu sig allir með prýði. Þeir fengu bókina Hafnfirðingabrandarinn eftir Bryndísi Björgvinsdóttur að gjöf frá skólanum fyrir þátttökuna.
Tveir nemendur voru valdir til að taka þátt í lokahátíð Stóru upplestrarkeppninnar fyrir hönd Grunnskóla Seltjarnarness, Valhúsaskóla.
Þeir eru: Katrín Helga Sigurbergsdóttir 7SF og Ólafur Marel Árnason 7SF. Auk þess var Arnþór Páll Hafsteinsson 7RMÓ valinn sem varamaður.
Við óskum þeim góðs gengis í lokakeppninni og öllum nemendum sem tóku þátt til hamingju með frammistöðuna.
Lokahátíðin fer fram í Félagsheimili Seltjarnarness,18. mars n.k.
