Eitt af verkefnum vetrarins var  að fræðast um sólkerfið okkar. Þar sem áhugi nemenda varð strax mikill, ákváðum við að gera eitthvað meira en var á dagskrá í upphafi. Við veltum fyrir okkur hvað við gætum gert og eftir miklar vangaveltur var mestur áhugi á að búa til sólkerfið okkar. Helst í fullri stærð.  Sólkerfið varð að veruleika, við ákváðum að reyna að hafa það í réttum stærðar - hlutföllum.

Á myndinni hér fyrir ofan sjást reikistjörnurnar í réttum stærðarhlutföllum. Frá sólu talið eru reikistjörnurnar Merkúr, Venus, jörðin, Mars, Júpíter, Satúrnus, Úranus og Neptúnus.

Sólkerfinu okkar er skipt í innra sólkerfi og ytra sólkerfi.

Í innra sólkerfinu eru fjórar reikistjörnur – Merkúríus, Venus, jörðin og Mars – sem allar eiga það sameiginlegt að hafa fast yfirborð og eru því oft kallaðar jarðstjörnur. Í ytra sólkerfinu eru aðrar fjórar reikistjörnur – Júpíter, Satúrnus, Úranus og Neptúnus – sem allar hafa það sammerkt að vera úr lofttegundum og því oft kallaðar gasrisar. Þær hafa ekkert fast yfirborð svo ekki er unnt að lenda geimfari á þeim.