Heilsugæsla

2011 - 2012

Heilsugæslu við Grunnskóla Seltjarnarness er sinnt frá Heilsugæslustöðinni á Seltjarnarnesi.

Heilsugæsla á yngsta- miðstig og unglingastig heyrir undir Heilsugæsluna á Seltjarnarnesi. Sólveig Þórhallsdóttir (myrarhusaskoli hjá heilsugaeslan.is) sinnir skólaheilsugæslu í 1. – 6. bekk. Viðverutími í skóla er: alla virka morgna nema miðvikudaga. Ingibjörg Davíðsdóttir (valhusaskoli hjá heilsugaeslan.is)  sinnir skólaheilsugæslu fyrir unglingastig 7.-10 bekkur. Viðverutími í skóla er alla virka morgna nema miðvikudaga. Skólalæknir er Guðbjörg Sigurgeirsdóttir.  

Meginmarkmið skólaheilsugæslu er að stuðla að börn fái að vaxa, þroskast og stunda nám sitt við bestu andlegu, líkamlegu og félagslegu skilyrði sem völ er á.

Heilsugæsla skólabarna er framhald af ung- og smábarnavernd. Skólaheilsugæslan leitast við að efla heilbrigði nemenda og stuðla að vellíðan þeirra.

Starfsfólk skólaheilsugæslu vinnur í náinni samvinnu við foreldra / forráðamenn, skóla­stjórnendur, kennara og aðra sem koma að málefnum nemenda. Farið er með allar upplýsingar sem trúnaðarmál.

Fræðslu og upplýsingavefur um heilsu og vellíðan

Reglubundnar skoðanir og bólusetningar

1. bekkur       Sjónpróf, heyrnapróf, hæðarmæling og þyngdarmæling-viðtal.

4. bekkur       Sjónpróf, hæðarmæling og þyngdarmæling-viðtal.

7. bekkur      Hæð, þyngd, sjón, l.itarskyn athugað-viðtal.

9. bekkur       Hæð, þyngd, sjón, heyrnarpróf-viðtal.

Bólusetningar

Í 7. bekk gegn mislingum, rauðu hundum og hettusótt (Priorix)  ein  sprauta.

Í 9. bekk er bólusett gegn mænusótt, barnaveiki, kíghósta og stífkrampa (Boostrix) ein sprauta.

Varðveitið vel bólusetningaskírteinið og munið að koma alltaf með það þegar bólusett er.

Nemendur í öðrum árgöngum eru skoðaðir ef ástæða þykir til.

Skólaheilsugæsla fylgist einnig með því að börn hafi fengið þær bólusetningar sem tilmæli Landlæknis segja til um. Ef börn hafa ekki fengið fullnægjandi bólusetningar verður haft samband við foreldra áður en bætt er úr því.

Fræðsla / heilbrigðishvatning / forvarnir

Skólaheilsugæsla sinnir skipulagðri heilbrigðisfræðslu og hvetur til heilbrigðra lífshátta. Öll tækifæri sem gefast eru nýtt til að fræða nemendur og vekja þau til umhugsunar og ábyrgðar á eigin heilbrigði. Foreldrar geta leitað eftir ráðgjöf skólaheilsugæslunnar varðandi  vellíðan, andlegt, líkamlegt og félagslegt heilbrigði barnsins.  

Tannvernd

Flúorskolun fer fram í skólanum tvisvar í mánuði hjá 1.  7. og 10. bekk.

Svefn, nesti og skjólfatnaður

Reglulegur og nægjanlegur svefn er mikilvægur fyrir heilsu og þroska barna. Börn þurfa að sofa 10 – 12 klst. á nóttu. Skóladagur nemenda er langur, mikilvægt er að borða reglulega og hafa með sér hollt og gott nesti fyrir nestistíma. Einnig er nauðsynlegt að nemendur séu í góðum skjólfatnaði og með húfu og vettlinga.

Slys og veikindi

Veitt er fyrsta hjálp í skólanum og minniháttar slysum sinnt. Þurfi nemandi að fara á heilsugæslustöð eða slysadeild skulu foreldrar/forrráðamenn fara með barninu. Mikilvægt er að skólinn hafi öll símanúmer sem hægt er að ná í foreldra á skólatíma barnsins.

Ekki er ætlast til að óhöppum sem gerast utan skólatíma sé sinnt í skólanum.

Ef barn er með greindan alvarlegan sjúkdóm sem getur stefnt heilsu / lífi þess í bráða hættu er nauðsynlegt að skólaheilsugæsla viti af því. Hér er átt við sjúkdóma eins og t.d. sykursýki, ofnæmi, flogaveiki og blæðingarsjúkdóma.

Lyfjagjafir

Samkvæmt fyrirmælum Landlæknisembættisins eru sérstakar vinnureglur varðandi lyfjagjafir til nemenda á skólatíma. Þar kemur meðal annars fram að skólabörn skulu ekki fá önnur lyf í skólanum en þau sem hafa verið ávísuð af lækni. Í engum tilvikum getur barn borið ábyrgð á lyfjatökunni, ábyrgðin er foreldra. Börn skulu ekki hafa nein lyf undur höndum í skólanum nema í algjörum undantekningartilvikum. Slíkar lyfjagjafir geta t.d. verið insulíngjafir sem barnið sér sjálft alfarið um.

Foreldrar/forráðamenn þeirra barna sem þurfa að taka lyf á skólatíma skulu hafa samband við skólaheilsugæslu sem skipuleggur lyfjagjafir á skólatíma.

Lús

Lúsin kíkir alltaf reglulega í heimsókn yfir skólaárið og því mikilvægt að foreldrar fylgi fyrirmælum um kembingu og meðferð.