Sálfræðiþjónusta Grunnskóla Seltjarnarness
Skólasálfræðingur
Hvernig má nálgast skólasálfræðing?
Hægt er að koma boðum til sálfræðings í viðkomandi skóla í gegnum skólaritara eða umsjónarkennara. Einnig má hringja á skólaskrifstofu Seltjarnarness í síma 595-9100 eða á símatíma sálfræðings. Æskilegt er að foreldrar hafi samráð við umsjónarkenna þegar þeir hyggjast leita eftir sálfræðiaðstoð fyrir barn sitt. Ákvörðun um sálfræðiathugun er tekin í nemendaverndarráði skólans.
Hvert er hlutverk skólasálfræðings?
Hlutverk skólasálfræðings felst í að veita sálfræðilega ráðgjöf og stuðning til starfsfólks skólans varðandi enstaka nemendur og hópa sem og ráðgjöf til foreldra og nemenda. Sálfræðingur vinnur í samvinnu við skólann með nemendum með fötlun, geðræna, námslega, samskiptalega og/eða hegðunarlega erfiðleika, þar sem þessir erfiðleikar hafa áhrif á nám og aðlögun í skóla. Vandamálin geta komið fram á ýmsan hátt, t. d. sem námsörðugleikar, feimni, prófkvíði, stríðni, einelti, lágar einkunnir, leiði, skapvonska eða vímuefnaneysla. Inngrip sálfræðings getur m.a. falið í sér athugun og mat á þroska, hegðun og líðan nemandans. Matið er gert samkvæmt niðurstöðum úr viðtölum, sálfræðilegum prófum, og atferlisathugunum. Sálfræðingur situr fundi nemendaverndaráðs og gerir tillögur til úrbóta og áætlanir um aðstoð við einstaka nemendur í samvinnu við fulltrúa í nemendaverndarráðs, kennara og foreldra. Í einstaka tilfellum getur skammtímameðferð komið til greina. Sálfræðingur er bundinn þagnarskyldu og má því alls engum segja frá því sem um er rætt í viðtali nema að fengnu leyfi hjá viðkomandi. Ef ekki er unnt að nota umsaminn viðtalstíma er þess vænst að sálfræðingur sé látinn vita fyrirfram svo hægt sé að nota tímann fyrir aðra.